माध १६ गते सोमबार ।
धिरेश दत्त ,जनकपुरधामः एन प्याब्सनका केन्द्रिय उपाध्यक्ष ब्रजेन्द्र मिश्र उर्फ (बुलन) सरद्वारा शिक्षा शाखाका प्रमुख मिहिलाल यादबलाई पुनरवहालीको उपलक्ष्यमा उहाँको कार्य कक्षमै गएर फूलको गुच्छाले स्वागत गर्नुभएकोे छ ।
यादबलाई केहिदिन पूर्व उहाँकै संलग्नतामा कार्यकक्षबाट बाहिर निकाली तालाबन्दी गरिएको थियो र पछि नगर प्रमुखद्वारा शिक्षा शाखाका प्रमुख मिहिलाल यादबलाई निलम्बन समेत गरेको थियो ।

यसै सन्दर्भमा एन प्याब्सनका केन्द्रिय उपाध्यक्ष ब्रजेन्द्र मिश्रलाई हाम्रो सहकर्मीले “ केहि दिन पूर्व तपाईहरुले नै शिक्षा शाखाका प्रमुख मिहिलाल यादबलाई पदबाट बिस्थापित गर्नुभएको थियो र आज पूनः तपाई आफै आएर फूलको गुच्छाले स्वागत गर्नु भएको छ , किन रु भनी प्रश्न गर्दा उपाध्यक्ष मिश्रले “ पहिले यादब जीले हम्रो शिक्षा क्षेत्रलाईनै सामाजिक सञ्जालको माध्यमले गाली गलौंज गर्नु भएको थियो तसर्थ वहाँको औकात हामीले देखाई दिए तर उहाँले आत्मलोचना गरेपछि पुनः हामीले नै उहाँलाई स्वागत गरेका हौंं र हामीलाई बिश्वास छ कि अब उहाँले निराधार ,बेतुकको कुराको पछि लाग्नु हुन्न ।

एक फरक प्रसंगमा मिश्रले जनकपुरधामको शिक्षा क्षेत्रलाई सुधार गर्नु अति नै आवश्यक रहेको बताए । उहाँले अगामी दिनहरुमा संथागत बिद्यालय प्रतिको हेप्ने प्रबृती स्थानीय निकायबाट नहोस् र सामुदायिक र संस्थागत बिद्यालय प्रति सामान ब्यबहार होस् भनी हाम्रो चाहना रहेको उहाँले बताए ।

उक्त स्वागत समारोहमा एन प्याब्सन धनुषाको पूर्व अध्यक्ष चन्द्र नारायण साह उर्फ (चन्दू), शिक्षा शाखाकै अन्जू पाण्डे लगायतको उपस्थिति रहेको थियो ।
                                    

3 महीना पहिले