पुस १३ गते ।प्रहरीले बाराबाट अवैध प्याज लोड रहेको एउटा ट्रक नियन्त्रणमा लिएको छ । प्रहरीले बारा जीतपुर सिमरा उपमहानगरपालिका- १ पथलैया चोकमा चेकजाच गरेको थियो ।
जाँचको क्रममा ना ६ ख २६२५ नम्बरको ट्रकमा भिसिटिएस अनलाईन बिल गिट्टीको देखाएको र ट्रकभित्र प्याज लोड गरिएको भेटिएको बाराका प्रहरी उपरीक्षक सुरेश काफ्लेले जानकारी दिए ।
ट्रकभित्र लोड गरिएको १७ हजार ७३० केजी अवैध प्याजसहित ट्रकलाई नियन्त्रणमा लिइएको उनले बताए । प्याजको बजार मूल्य अन्दाजी नौ लाख ३० हजार ८२५ रहेको तथा प्याजसहित ट्रकलाई थप अनुसन्धानको लागी राजस्व कार्यालय पथलैयामा पठाइएको काफ्लेले बताए ।
भारतले प्याजको निर्यातमा रोक लगाएपछि नेपालमा प्याजको मूल्य आकाशिएको छ ।
4 महीना पहिले
