असोज १९ गते ।धनुषाको बटेश्वरमा ट्याक्टरले किचिएर एक महिलाको मृत्यु भएको छ । मृत्यु हुने बटेश्वर गाउँपालिका वडा नं। ५ शान्तिपुर बस्ने वर्ष ४० की रेखा देवी महतो छन् ।
महतो बिहीबार साँझ ज १० प २५७ नम्बरको अपाचे मोटरसाइकलमा चढेर माइत जाँदै गरेको बेला विपरीत दिशबाट आउँदै गरको प्रदेश २-००२-०१ प ६३६६ नम्बरको मोटरसाइकल एक आपसमा ठोक्किएको थियो । लगतै पछाडिबाट फलाम बोकेर आउँदै गरेको ज १ त ५३५८ नम्बरको ट्याक्टरले महिला किचिएको इलाका प्रहरी कार्यालय सखुवा महेन्द्रनगरका प्रहरी निरीक्षक दीपक कार्कीले जानकारी दिए ।
गम्भीर घाइते महिलालाई उपचारका लागि जनकपुर ल्याउँदै गर्दा उनको बाटोमै मृत्यु भएको प्रहरीले जनाएको छ । विपरीत दिशाबाट आउँदै गरेको मोटरसाइकलमा सवार बटेश्वर गाउँपालिका ३ का युवक गंगाराम महरा घाइते भएका छन् । उनको उपचार जनकपुरमा भइरहेको छ ।
ट्याक्टरसहित तीनवटै सवारी प्रहरीले नियन्त्रणमा लिएको छ । ट्याक्टर चालक मिथिला नगरपालिका २ नक्टाझिजका प्रमोद ठाकुरलाई पक्राउ गरी थप अनुसन्धान गरिरहेको प्रहरी निरीक्षक कार्कीले जानकारी दिए ।
                                    

7 महीना पहिले