२०८० जेठ १८ । वन्यजन्तु चोरी शिकार गर्न लागेको आशंकामा चितवन राष्ट्रिय निकुञ्जले दुई जनालाई पक्राउ गरेको छ ।
कालिका नगरपालिका–११ का २९ वर्षीय राज चेपाङ र ३५ वर्षीय सुन्दर प्रजा पक्राउ परेका हुन् । वन्यजन्तु चोरी शिकार गर्न लागेको सूचनाका आधारमा उनीहरूलाई पक्राउ गरिएको चितवन राष्ट्रिय निकुञ्जले जनाएको छ । प्रजाको घरबाट दुई थान भरुवा बन्दुकसमेत बरामद भएको जनाइएको छ ।
हातहतियार खरखजनासम्बन्धी मुद्दाका लागि बरामद हतियार जिल्ला प्रहरी कार्यालय चितवनमा बुझाइएको छ । वन्यजन्तुसम्बन्धी कसुरमा निकुञ्ज कार्यालयले अनुसन्धान सुरु गरेको छ ।
2 वर्ष पहिले
