जेठ ७ । चितवनको भरतपुर महानगरपालिका–१२, टिकौलीमा आज ट्रकको ठक्करबाट स्कुटर चालकको मृत्यु भएको छ भने एक युवक घाइते भएका छन् ।

जिल्ला प्रहरी कार्यालय चितवनका अनुसार टाँडीबाट भरतपुरतर्फ जाँदै गरेको ना ४ ख ६६७४ नम्बरको ट्रकले सोही दिशातर्फ जाँदै गरेको वाग्मती प्रदेश ०३–००२ प ७६८८ नम्बरको स्कुटरलाई आज बिहान पौने १२ बजे ठक्कर दिएको थियो । उक्त दुर्घटनामा भरतपुर महानगरपालिका–११ का २० वर्षीय सागर तामाङको आज दिउँसो साढे १२ बजे जिल्ला अस्पताल चितवनमा उपचारको क्रममा मृत्यु भएको प्रहरीले जनाएको छ । घाइते भएका स्कुटरको पछाडि सवार सोही ठाउँकै २० वर्षीय दिशान्त ढकालको भने नयाँ मेडिकल कलेज भरतपुरमा उपचार भइरहेको छ । ट्रकसहित चालकलाई नियन्त्रणमा लिएको प्रहरीले जनाएको छ ।
                                    

2 वर्ष पहिले