भदौ ८ गते ।नेपाल सद्भावना पार्टीमा प्रवेश गरेकी सरिता गिरीले एक महिनामै सो पार्टी छाडेकी छिन् । गत साउन ७ गते नेपाल सद्भावना पार्टीमा प्रवेश गरेकी गिरीले आज सो पार्टी छाडेकी हुन् ।साउन ७ गते एक कार्यक्रमको बीच नेपाल सद्भावना पार्टीको सदस्यता लिएकी उनले आज फेसबुकमार्फत आफूले सो पार्टी छाडेको र आजदेखि स्वतन्त्र भएको बताएकी छिन् ।
उनले भनेकी छिन्, ‘म दिवंगत माननीय प्रदीपजीको राजनीतिक र सामाजिक रूपान्तरणको एजेन्डालाई अगाडि बढाउनका लागि उहाँको अन्तिम इच्छा अनुसार आफू नेपाल सद्भावना पार्टीबाट स्वतन्त्र भएको घोषणा गर्दछु । नेपाल सद्भावना पार्टीलाई मेरो सदैव सद्भावना रहने छ । कठिन समयमा गरिएको यो अत्यन्त कठिन निर्णय हो ।’
ुप्रदीप गिरिले देहान्तअघि उहाँले मलाई टाउकोमा हात राखी ‘तिमीलाई शुभकामना छ’ भनि आशीर्वाद दिनुभयो जसले मलाई सोच्न गम्भीर बनायो, सरिताले भनिन्, म प्रदीपजीको उत्तराधिकारी त होइन तर उहाँले देख्नु भएको सपना, लिनुभएको उद्देश्य मैले पूरा गर्ने प्रयास गर्छु ।’
प्रदीप गिरी र आफ्नो परिवारको विशेष सम्बन्ध रहेको बताउँदै गिरीले प्रदीप गिरी आफ्नो पारिवारिक सदस्य मात्र होइन राजनीतिक गुरुसमेत रहेको जानकारी दिइन् । आफूले विशेष संरचना निर्माण गरेर नयाँ ढंगबाट अगाडि बढ्ने बताइन् । तर के संरचना बनाउने त्यसको बारेमा केही बताउन चाहिनन् ।
उनले आफू नेपाल सद्भावना पार्टीमा लागेपछि केही नयाँ गर्ने सोच भएपनि एक महिनामै त्यस्तो अवस्था आउने नदेखेको बताइन् । मधेशका धेरैजसो माग पूरा भइ सकेको र नागरिकताको समस्या पनि समाधान हुन लागेको हुनाले अब नयाँ ढंगबाट अगाडि बढ्ने सोचले आफूले नेपाल सद्भावना पार्टी छाडेको उनले बताइन् ।
                                    

2 वर्ष पहिले