प्रहरीले नेपालगञ्जका क्यासिनोमा छापा मारेर ६ नेपालीलाई पक्राउ गरेको छ। 
धम्बोझी चोक नजिक रहेको होटल सिटी प्यालेसभित्र सञ्चालनमा रहेको सीटीई गेमिङ क्लब क्यासिनोबाट छ जना नेपाली पक्राउ परेका हुन्। उनीहरूलाई थप अनुसन्धानका लागि जिल्ला प्रहरी कार्यालयमा राखिएको छ। 
जिल्ला प्रहरी कार्यालय बाँकेका प्रहरी नायब उपरीक्षक मधुसुदन न्यौपानेका अनुसार क्यासिनोमा नेपालीलाई जुवा खेलाउने कार्य भएको उजुरी आएकाले छापा मारेको जानकारी दिए।यस क्रममा प्रहरीले सात क्यासिनोमा छापा मारेको थियो। 
यसअघि पनि आइतबार होटल सिटी प्यालेसभित्र सञ्चालित सीटीई गेमिङ क्लब क्यासिनोबाट नेपालगञ्जका सात नेपालीलाई प्रहरीले नियन्त्रणमा लिएको थियो।
नेपालको कुनै पनि क्यासिनोमा विदेशीबाहेक नेपालीलाई प्रवेश गर्न निषेध छ। तर नेपालगञ्जका क्यासिनोहरूले निर्वाध रूपमा नेपालीलाई प्रवेश गराई जुवा खेलाउने गरेका छन्।
                                    

3 वर्ष पहिले