जेठ ५ गते । सिरहाको कर्जन्हा नगरपालिकामा नेकपा एमालेका मेयर र जनता समाजवादी पार्टीका उपमेयर निर्वाचित भएका छन्।
मेयरमा नेकपा एमालेका भोला प्रसाद पोखरेल ३ हजार ८३९ मत ल्याएर निर्वाचित भएका हुन्। उनका निकटतम प्रतिद्वन्द्वी जसपाका केशव प्रसाद साह ३ हजार २२३ मत ल्याए।
यस्तै, उपमेयरमा जसपाकी लक्ष्मी कुमारी श्रेष्ठ निर्वाचित भएकी छन्। उनी ३ हजार ४८७ मत ल्याएर निर्वाचित भएकी हुन्। उनकी निकटतम प्रतिद्वन्द्वी एमालेकी निर्मला कुमारी देवी पासमानले ३ हजार ९५ मत ल्याइन्।