९ पुस , २०७७
जनकपुरधामको शिवचोकस्थित एक सपिङ्ग मलमा भिषण आगलागी हुँदा करिब अढाई करोडको क्षति भएको छ ।
बिहिबार बिहान करिब ११ बजे धनुषाको जनकपुरधाम उपमहानगरपालिका वडा नं. २ शिवचौक स्थित डिपार्टमेन्ट स्टोरमा विधुत करेन्ट सर्टभई आगलगी हुँदा अन्दाजी अढाई करोडको क्षति भएको धनुषाका प्रहरी प्रवक्ता प्रहरी नायव उपरीषक मकेन्द्र कुमार मिश्रले जानकारी दिए ।
डिपार्टमेन्टका सञ्चालक जनकपुरधाम ४ का हरीकान्त मिश्रले जनकपुरधामको बारुण यन्त्र समयमा आएदिएको भए कमी क्षति हुनेथ्यो बताए । उनले भने, ‘डिपार्टमेन्टमा आगो लागेपछि उपमहानगरमा फोन गर्दा बारुण यन्त्र बिग्रेको बताए ।
डिपार्टमेन्ट स्टोरमा विद्युतिय करेन्ट सर्ट भई आगलगी हुँदा डिपार्टमेन्ट भित्र रहेको कस्मेटिक, ईलेकट्रोनिक, किराना समान र तयारी रेडिमेड कपडा जलेर नष्ट भएको छ ।
उक्त आगोलाई निभाउन जनकपुरधाम उपमहानगरपालिकाको बारुण यन्त्र नआएपछि धनुषाको धनुषाधाम नगरपालिका, क्षीरेश्वरनाथ नगरपालिका, जनकपुर एयरपोर्ट, महात्तरीको जलेश्वर लगायतका स्थानबाट ६ वटा बारुण यन्त्र आएको थियो ।
आगो नियन्त्रण गर्न नेपाल प्रहरीका १३५, सशस्त्र प्रहरीका ३५, नेपाली सेनाका २५ जना गरी १९५ जना सुरक्षाकर्मी खटेका थिए भने स्थानियहरुको सहयोगमा करिब १ बजेको समयमा आगो नियन्त्रणमा आएको थियो । जनकपुरधाम उपमहानगरमा बारुण यन्त्र नभएपछि आगो लागेको झण्डै ४० मिनटपछि जनकपुर विमानस्थलबाट बारुण यन्त्र आएको थियो ।
यता उपमहानगरपालिकाको विरोधमा व्यापारीहरुका संगठन चेम्बर अफ कमर्शले विरोध प्रदर्शन गरेका छन् ।
चेम्बरका बरिष्ठ उपाध्यक्ष सरोज मिश्रले करोडौँको गाडीमा मेयर चढेपनि अति आवश्यक बारुण यन्त्र जस्तो अति समबेदनशिल गाडी नराख्नु दुर्भाग्यपुर्ण रहेको बताए ।
तिनीहरु उपमहानगरको कार्यालयको अगाडी मेयर लालकिशोर साहको विरुद्ध प्रदर्शन गरेका थिए ।