असोज ३ गते । महोत्तरी प्रहरीले दुई क्विन्टलभन्दा बढी गाँजासहित दुई युवकलाई नियन्त्रणमा लिएको छ ।
पक्राउ पर्नेमा धादिङको थाक्रे गाउँपालिका ७ बस्ने २३ वर्षीय जिवन तामाङ र महोत्तरीको जलेश्वर नगरपालिका ७ बस्ने २५ वर्षीय सुरेन्द्र दास रहेको जिल्ला प्रहरी कार्यालय महोत्तरीले जनाएको छ ।
बुधबार जलेश्वर १ स्थित महादेव मन्दिर नजिक जिल्ला प्रहरी कार्यालयबाट खटेको प्रहरीको गस्ति टोलिले बा प्र ०१–०२६ च ४९२१ नम्बरको पिकप गाडिलाई शंकाको आधारमा चेकजाँच गर्दा गाडीभित्र लुकाईछिपाई राखेको लागूऔषध गाँजा १४ पोकामा अन्दाजी २१० किलो बरामद भएको प्रहरी प्रवक्ता प्रहरी नायव उपरीक्षक दिलीपकुमार गिरीले जानकारी दिए ।
यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।
                                    

8 महीना पहिले