भदौ २५ गते ।पर्सामा एक पुरुषको बेवारिसे अवस्थामा शव फेला परेको छ ।
सोमबार ठोरी गाउँपालिका–४ विजयबस्तीमा नेपाल–भारत सीमा नजिक उखुबारीमा अन्दाजी ३५ देखि ४० वर्ष उमेरको देखिने पुरुषको शव फेला परेको हो ।
स्थानीयले मृतकको पहिचान गर्न नसकेको इलाका प्रहरी कार्यालय ठोरीका प्रमुख प्रहरी निरीक्षक सन्तोष राईले बताए । मृत फेला परेका पुरुष विजयबस्ती टोलका होइनन् ।
घटनास्थलमा पुगेर आवश्यक अनुसन्धान भइरहेको प्रनि राइले बताए ।
प्रारम्भिक अनुसन्धानबाट मृतकको शरीरमा घाउ चोट तथा निलडाम आदि नपाइएको उनले बताए ।
शव परीक्षणका लागि नारायणी अस्पताल वीरगन्ज पठाउने तयारी भइरहेको उनले बताए ।
8 महीना पहिले
