असोज ६ गते । सवारी दुर्घटनामा परेर घाइते भएका रौतहटका सञ्चारकर्मी रवीन्द्र मण्डलको उपचारका क्रममा मृत्यु भएको छ ।
जिल्लाको दुर्गाभगवती गाउँपालिका–३ का सञ्चारकर्मी मण्डल काठमाडौंबाट गौर फर्किने क्रममा उनी चढेको बस साउन ३१ गते दुर्घटनामा परेको थियो ।
माधवनारायण नगरपालिकाका कर्मचारीसमेत रहेका उनी नगरपालिकामा भारतीय दूतावासको सहयोगमा आएको एम्बुलेन्स बुझेर फर्किँदै थिए ।काठमाडौंबाट गौर आउँदै गरेका माँ कल्याणी रात्रि बस दुर्घटना हुदा घाइते भएका मण्डलको ढाडको शल्यक्रिया गरिएको थियो र उनी ओछ्यानबाट उठन नसक्ने अवस्थामा पुगेका थिए ।
दुर्घटनापछि नेपाल र भारतका विभिन्न अस्पतालहरुमा उपचार गराएका मण्डल आर्थिक अभावका कारण निको हुन सकेका थिएनन् ।सञ्चारकर्मी मण्डल नेपाल पत्रकार महासंघको दोस्रो जिल्ला अधिवेशनबाट सचिव पदमा निर्वाचित भएका थिए ।