२०७७ माघ १३ गते 
 
मिटरब्याजमा रकम लगानी गरी ठगी गरेको आरोपमा पक्राउ परेका मन्टु भनिने सञ्जय रौनियारलाई कारवाही गर्न माग गर्दै पीडितहरुले जिल्ला अदालत मोरङ परिसरमा धर्ना दिएका छन् ।
सरकारी वलिकको कार्यालयलले जिल्ला अदालत मोरङमा अपराधिक लाभ र ठगी मुद्दा दर्ता गराएपछि पीडितले हदैसम्मको कारवाही माग गर्दै मंगलबार अदालत परिसरमा धर्ना दिएका हुन् ।
चर्को ब्याजमा ऋण दिएर जबर्जस्ती असुल गरी गठी गरेको आरोपमा प्रहरीले विराटनगर– ९ घोगापुल चोकका ४२ रौनियारलाई एक महिना अघि पक्राउ गरेको थियो । रौनियार विरुद्ध जिल्ला अदालत मोरङमा १७ वटा मुद्दा दर्ता गराएको छ ।
पीडितलाई न्यायको माग गर्दै अदालत परिसरमा धर्ना दिएको पीडितमध्येका एक मोरङ धनपालथान गाउँपालिका– ७ का ३६ वर्षीय बिनोदकुमार सिंहले बताए ।
प्रहरीका अनुसार गाउँका चिनेजानेका मान्छे मार्फत पैसा अभाव भएकाहरुलाई धनीपूर्जा राखेर महंगो ब्याजमा पैसा दिने, धम्काएर पैसा असुल्ने र पैसा तिर्न सक्ने अवस्था नभएपछि जग्गा आफ्नो नाममा गर्ने गरेको आरोप मन्टुमाथि छ ।
                                    

3 वर्ष पहिले