असार ८ गते ।बहुविवाह मुद्दामा जेल सजाय सुनाइएका फरार पतिपत्नी पाँच वर्षपछि पक्राउ परेका छन् ।
सिरहा बस्तिपुर वडा न.९ घर भई हाल सुरुङगा नगरपालिका वडा नं.३ बस्ने ४७ वर्षीय जलेसर यादव र उनको कान्छी श्रीमती मञ्जु यदावलाई प्रहरीले पक्राउ गरेको हो ।
अशिया देवी यादवको जाहेरीले वादी नेपाल सरकार प्रतिवादी भएको बहुविवाह मुद्दामा सप्तरी जिल्ला अदालतबाट २ जेठ २०७३ मा जलेसर यादव र उनकी कान्छी श्रीमती मञ्जुलाई जनही १ वर्ष कैद र पाँच हजार रुपैयाँ जरिवाना हुने फैसला सुनाएको थियो ।
लुकिछिपी बस्दै आएका श्रीमान र कान्छी श्रीमतीलाई सप्तरीको सुरुङगा नगरपालिका ३ स्थितमाबाट मंगलबार पक्राउ गरेको सप्तरीका प्रहरी प्रवक्ता डिएसपी माधव प्रसाद काफ्लेले जानकारी दिए ।
उनका अनुसार मंगलबार नै जिल्ला अदालतमा दुबैजनालाई पेश गरी कैद भुक्तानका लगि सप्तरी कारागार चलान गरिएको छ ।
                                    

2 वर्ष पहिले