नेपालगञ्ज होटल सिटी प्यालेसभित्र सञ्चालित सिटी इ गेमिङ क्लब क्यासिनोबाट सात नेपाली पक्राउ परेका छन् ।
जिल्ला प्रहरी कार्यालय बाँकेबाट खटिएको प्रहरी टोलीले नेपागञ्जस्थित धम्बोजीचोकमा रहेको उक्त क्यासिनोबाट उनीहरूलाई पक्राउ गरेको प्रहरी नायब उपरीक्षक मधुसुदन न्यौपानेले बताए ।
पक्राउ पर्नेमा मनोज विक, विपिनसिंह बडुवाल, गणेश शर्मा, सुलभ कार्की, विक्रम क्षेत्री, आकाश सिंह र मोहित शाह रहेका छन् ।
पक्राउ परेकाहरु क्यासिनोभित्र प्रवेश गरी धम्क्याउने गरेको उजुरी आएपछि पक्राउ गरिएको प्रनाउ न्यौपानेले बताए ।
क्यासिनोमा विदेशीबाहेक नेपालीलाई प्रवेश निषेध गरिएको छ तर नेपालगञ्जका क्यासिनोले निर्वाधरुपमा नेपालीलाई प्रवेश दिइएको बताइएको छ ।
3 वर्ष पहिले
