जेठ २० गते । हेटौंडामा आफ्नै बाबुको नाममा मोटरसाइकलको लाइसेन्सको परीक्षा दिइरहेको अवस्थामा एकजना पक्राउ परेका छन् ।प्रहरीका अनुसार यसैगरी हेटौंडा उपमहानगरपालिका–११ स्थित यातायात व्यवस्था कार्यालय हेटौंडाले लिएको परीक्षामा मकवानपुर बकैया गाउँपालिका–७ बस्ने २० वर्षीय सन्तोष गौतम आफ्नै बाबुको नाममा परीक्षा दिइरहेको अवस्थामा पक्राउ परेका हुन् । उनले टुकनाथ गौतमको नाममा परीक्षा दिइरहेका थिए।प्रहरीले उनीमाथि थप अनुसन्धान भइरहेको बताएको छ ।त्यस्तै हैटौंडामै लोक सेवा आयोगको प्रशासन लेखा सहायक चौथो तहको परीक्षामा अर्काको नाममा परीक्षा दिइरहेको अवस्थामा कास्की पोखरा महानगरपालिका–२ बस्ने ४२ वर्षीय दीपेन्द्र प्रसाद बास्ताकोटी बिहीबार पक्राउ परेका छन् ।
महोत्तरी साविक पोखभिण्डा गाबिस बस्ने अभय कुमार यादवको ठाउँमा बास्ताकोटीले परीक्षा दिइरहेको अवस्थामा जिल्ला प्रहरी कार्यालय मकवानपुरबाट खटिएको प्रहरीले उनलाई पक्राउ गरेको हो ।
साथै उनको झोलाबाट नगद ५८ हजार ५ सय रूपैयाँ र विभिन्न व्यक्तिको ४ थान नागरिकतासमेत फेला पारी प्रहरीले बरामद गरेको छ ।
3 वर्ष पहिले
