जेठ ३ गते।काठमाण्डौ महानगरपालिकाको मेयरमा स्वतन्त्र उम्मेदवार बालेन साहले फराकिलो अग्रतालाई कायमै राख्नुभएको छ ।
अहिलेसम्म ३० हजार ८४ मत गन्दा साहले ११ हजार ३ सय २५ मतसहित अग्रता लिइरहनुभएको हो । उहाँका प्रतिस्पर्धी नेकपा एमालेका केशव स्थापित ५ हजार १८७ मतले पछि हुनुहुन्छ । स्थापितले ६ हजार २ सय ९० मत प्राप्त गर्नुभएको छ ।
मेयरमै गठबन्धनको तर्फबाट नेपाली कांग्रेसकी सिर्जना सिंहले ५ हजार ४ सय ९२ मत प्राप्त गर्नुभएको छ । राप्रपाका उम्मेदवार मदनदास श्रेष्ठले एक हजार तीन मत प्राप्त गर्नुभएको छ ।
यस्तै उपमेयरमा नेकपा एमालेकी सुनिता डंगोलले पनि फराकिलो अग्रतालाई कायमै राख्नुभएको छ । डंगोलले ११ हजार तीन सय २५ मतसहित अग्रता लिइरहनुभएको छ । उपमेयरमै गठबन्धनको तर्फबाट नेकपा एकीकृत समाजवादीका रामेश्वर श्रेष्ठले ३ हजार ३ सय १६ मत प्राप्त गर्नुभएको छ