२४ पुष , २०७७
प्रदेश २ को अस्थायी राजधानी जनकपुरधाममा रहेको जानकी आँखा अस्पतालमा अवकास प्राप्त डा.हेमचन्द्र झाले गैरकानुनी रुपमा पटक पटक म्याद थपगराउँदै अस्पतालको वातावरणलाइ दुषित बनाएको आरोप लगाइएकोछ ।
डा.झा अवकास प्राप्त गरेको कयौं वर्ष भइसकेपनि उनी पटकपटक म्याद थप गराउँदै कार्यालय प्रमुखको रुपमा कार्यरत्त रहेको आरोप लगाउँदै अस्पतालमा कार्यरत्त चिकित्सकहरुले अस्पतालमा आधुनिक सुविधा समेत उपलब्ध नगराइएको आरोप लगाएका छन् । अस्पताल सञ्चालन समितिका सभापतिलाई गराइएको ध्यानाकर्षण पत्रमा डा.झाले चौथों तहका कर्मचारी दिपेन्द्र सिंहलाई अधिकृत स्तरको जिम्मेवारीदिदै निर्देशक सरह काममा लगाएर चिकित्सक, कर्मचारी, बिरामीसित दुरव्र्यहार गराएको उल्लेख गरिएकोछ । एमडी गरेका आधुनिक चिकित्सा प्रणालीबारे जानकार चिकित्सकहरुलाई काम गर्ने वातावरण, अस्पतालमा आवश्यक सुधारका लािग गर्नुपर्ने सुझाव, प्रस्तावहरुलाई समेत वेवास्तागर्दै डा.झाले काम गर्ने वातावरण बिगारेको ध्यानाकर्षण पत्रमा उल्लेख गरिएकोछ ।
डा.अमित कुमार यादव, डा.आशिष बोहरा र डा.महेशप्रसाद यादवले संयुक्त रुपमा जारी गरेको विज्ञप्तिमा अस्पतालको सेवामा समयमै सुधार नगरिए बिरामीहरुको चाप समेत घटने जनाएका छन् । जानकी आँखा अस्पतालमा धनुषा, महोत्तरीका अतिरिक्त सीमावर्ती भारतीय क्षेत्रबाट समेत भारी संख्यामा आँखाका बिरामीहरु आउने गरेका छन् ।लामो समयदेखि अस्पतालले कमाएको ख्यातीलाई समेत डा.झाले आफ्नो निहित स्वार्थका लागि ध्वस्त बनाउन लागेको आरोप विज्ञप्तिमा लगाइएकोछ । चौथो तहमा भर्ना भएका सिंहलाई सोझै अधिकृत बनाउँदा अस्पतालमा उनको उदण्डता बढेको बताइन्छ ।डा.झाले सिंहलाई प्रयोगगरि अन्य चिकित्सक, कर्मचारीहरुलाई अपमानित गराउने गरेको बताइन्छ । जनकपुर टुडे