वैशाख २९ गते ।स्थानीय तहको निर्वाचनको मौन अवधि चलिरहेको समय पर्सामा मतदातालाई प्रभावमा पार्नका लागि चामल बाँडेको आरोपमा प्रहरीले एकजनालाई नियन्त्रणमा लिएको छ ।
वीरगन्ज महानगरपालिका वडा नम्बर २१ मा बिहीबार वडा–२१ वडाअध्यक्षका एक उम्मेदवारको पक्षमा मतदान गर्न प्रलोभन दिदै चामलको कुपन बाडेको सुचना प्रहरीलाई आएपछि प्रहरीले नियन्त्रणमा लिएको हो ।
सूचना पाएपछि खटेका प्रहरी टोलीले ती व्याक्तिलाई नियन्त्रणमा लिएर जिल्ला प्रहरी कार्यालय पर्सामा ल्याएको हो ।
प्रहरी कार्यालयमा ल्याएर सोधपुछ गर्ने क्रममा ती व्याक्ति चामलको व्यापारी रहेपनि उनले मतदातालाई चामल वा त्यसको कुपन बाडेको पुष्टि नभएपछि उनलाई छाडिदिएको पर्साका प्रहरी प्रवक्ता प्रहरी नायव उपरिक्षक ओम प्रकाश खनालले बताए ।
स्थानीयहरुले एमालेबाट वडा अध्यक्षका उम्मेदवार हबीब मियाले मतदातालाई प्रभावित पार्न ती व्याक्तिलाई चामल बाँड्न खटाएको आरोप लगाएका थिए ।
प्रहरीले नियन्त्रणमा लिएर छाडिएका ती व्याक्तिको परिचय भने खुलाएका छैनन् ।
                                    

2 वर्ष पहिले