वैशाख २९ गते।जनकपुरधाम । मधेश प्रदेशको धनुषा जिल्लास्थित मेयर पदका एक उम्मेदवार गाडीमा पैसा बोकेर गाउँमा बाँड्न गएपछि गाउँलेहरुले धपाएका छन् ।
धनुषा जिल्लाको गणेशमान चारनाथ नगरपालिकाको जनता समाजवादी पार्टी (जसपा) नेपालबाट मेयरका उम्मेदवार राम चलित्तर यादवले पैसाँ बाँडन खोजेपछि स्थानीयहरु धपाएका छन् ।
बुधबार अपरान्ह करिब ६ः३० बजेको समयमा गणेशमान चारनाथ नगरपालिका वडा नं. १० र ११ मा रकम बाँडन हिँडेका मेयर पदका उम्मेदवार यादवलाई वडा नं. ११ बाट धपाएका हुन् ।
स्थानीय स्थानीयले फेसबुक लाईभ नै सुरु गरी मेयरको उम्मेदवार यादवलाई लखेटेको देखिएको छ । स्थानीय आलम राजा राईनले सुट गरेको भिडियोमा मेयरका उम्मेदवार यादव गाडीमा भाग्दै गरेको सुनिन्छ ।
वडा नं. ११ को शँकरपुर टोलमा साँझ मतदातालाई प्रभावित पार्नको लागि रकम बाँडन गएपछि केही स्थानीयहरुले त्यसको विरोध गर्दै लखेटेका छन् ।
स्थानीय फजील राईन भन्ने एक व्यक्तिले विभिन्न पार्टीबाट मोटो रकम लिएर मतदाता प्रभावित गर्न केही रकमहरु वस्तीमा गएर गरिब, निमुखा, विपन्न, अशिक्षित व्यक्तिहरुमा बाँडन गएपछि लखेटिएको हो ।
मधेश प्रदेशको विभिन्न जिल्लाबाट जसपाको कार्यकर्ताहरु, उम्मेदवारहरुसहित अन्य पार्टीका उम्मेदवार र कार्यकर्ताहरु पैसा बाँडदै गरेको अवस्थामा पक्राउ परेका छन् ।