पुस १५ , २०७७
प्रदेश २ का प्रभावशाली नेकपा नेता तथा प्रदेशसभा सदस्य प्रचण्ड–नेपाल समुह छोडेर प्रधानमन्त्री केपी शर्मा ओली समुहमा प्रवेश गरेका छन् ।
वीरगञ्ज्मा आयोजित नेपाल कम्युनिस्ट पार्टी (नेकपा) को ओली पक्षको प्रदेश २ को कायकर्ता भेला तथा प्रशिक्षण कार्यक्रम उनले नै संचालन गरिरहेका छन् ।
प्रचण्ड निकट मानिएका प्रदेश २ का तत्कालीन माओवादी संसदीय दलका नेता रामचन्द्र मण्डलसहित पूर्व माओवादीका तीनजना प्रदेशसभा सदस्य समेत कार्यक्रममा सहभागी भएका छन् ।
सो कार्यक्रमलाई पार्टीका महासचिव एवम् अर्थमन्त्री विष्णु पौडेल, शहरी विकासमन्त्री प्रभु साह, कानुनमन्त्री लीलानाथ श्रेष्ठ, महिला तथा बालबालिकामन्त्री जुली महत्तो, स्थायी कमिटी सदस्य रघुवीर महासेठ, सत्यनरायण मण्डल लगायतका नेताले सम्बोधन गर्ने कार्यक्रम छ ।